Transcription
1
Monsieur, par mon homme, ay receu votre lettre et loue Dieu de ce
2
questes en bonne sancté, vous merciant très humblement
3
tant de bien quil vous a pleu presenter à mondit homme,
4
Dieu me doinct grace vous faire très humble service. Ilya
5
long temps que jey escript à madame la contesse de
6
Ventadour de se tenir bien suz ses gardes à La Voulte,
7
aussy ay-je au cappitaine Bonnar qui commande là qui est
8
bien honneste. Jeudy dernier, ceulx de La Voulte prindrent
9
le bestailh du Pousin et le menarent à La Voulte. Sabmedy,
10
monsieur de Rosset et le cappitaine Mestral firent rompre
11
les batteaulx des mollins de La Voulte et les batteaulx
12
du port dudit Pousin, qua esté ung grand bien, et
13
sy vous asseure que ceulx dudit Pousin heurent bien
14
grand freyeur. Il est arryvé encore quelques huguenaulx
15
à Beauchastel. Je croys que ce nest que pour
16
surprendre quelque batteau sur leaue. Lon ma mandé
17
que monsieur de Monbrun asseure tousjours plus fort
18
de ne bouger de cheulx ly ; Myrebeau en est de mesmes.
19
Monsieur de Suze passa hier qui sen va à la court.
20
Je ne scay sy avés sceu commant monsieur de Candalle
21
fust blessé à lassault de Somiaire à la bouche.
22
Dieu mercy se ne sera rien. Je vous avoys escript
23
commant monsieur de Lengières cestoyt saulvé. Lon me
24
lavoyt ainsin mandé de La Voulte ; et despuis lon
25
[9 v°] ma asseuré quil a laissé ses deux filz en octaige
26
jusques à ce quil aye bailhé quatre mil escux. Et
27
cest retiré à Agnèse quest à deux lieues près
28
du Bourg ; que sera la fin, après vous avoir supplié
29
me commander votre vouloyr pour icelluy toute ma vie
30
acomplir daussy bon cueur que me recommande
31
très humblement à votre bonne grace, priant Dieu
32
Monsieur, vous donner très bonne longue et très heureuze
33
vie. De votre maison de Montoyson, ce XVIme de mars
34
1573
35
votre très humble et aubeisant servyteur
36
Montoyson.